Türkiyənin Müdafiə Sənayesi Sentyabrda 634 milyon dollar ixrac edib

Anadolu Ajansı yazır ki, Türkiyənin müdafiə və aviasiya sənayesi sentyabr ayında ixracatını ötən ilin eyni dövrü ilə müqayisədə 10,7 faiz artıraraq 634 milyon dollar səviyyəsinə çatdırıb.

Yanvar-sentyabr aylarında ümumi ixrac 15,6 faiz artaraq 6 milyard 926 milyon dollara, son 12 ayda isə 30 faiz yüksələrək 10 milyard 941 milyon dollara çatıb.

Görgün sosial media hesabında paylaşdığı açıqlamada bu artımın yüksək əlavə dəyərli məhsullar, mühəndislik bacarıqları, istehsal qabiliyyəti və dünyada qurulan əməkdaşlıqlarla bağlı olduğunu vurğulayıb.

O, Müdafiə Sənayesi Başkanlığının təşəbbüsü ilə ixracat yönümlü işlərin davam etdiyini, sənayenin beynəlxalq bazarlardakı rəqabət qabiliyyətinin artdığını qeyd edib.

Görgün eyni zamanda Türkiyə Prezidenti Rəcəb Tayyib Ərdoğana dəstəyə görə təşəkkür edib və uğura nail olan bütün şirkətləri və əməkdaşları təbrik edib.