Türkiyənin mərkəzi hökumət büdcəsi may ayında 298,2 milyard türk lirəsi (6,4 milyard dollar) kəsir göstərib, bu barədə məlumatı Maliyyə və Xəzinə Nazirliyi iyunun 15-də açıqlayıb.

Keçən ilin may ayında büdcə kəsiri 235 milyard lirə olub.

Nazirliyin bildirdiyinə görə, may ayında büdcə gəlirləri illik müqayisədə 18 faiz azalıb və 1,09 trilyon lirəyə düşüb. Xərclər isə 27 faiz yüksələrək 1,38 trilyon lirəyə çatıb.

May ayında büdcənin əsas kəsiri 169 milyard lirə təşkil edib.

Yanvar-may aylarında büdcə gəlirləri illik müqayisədə 33,9 faiz artaraq 6,28 trilyon lirəyə, xərclər isə 37,4 faiz çoxlaşaraq 7,34 trilyon lirəyə yüksəlib.

İlin ilk beş ayında mərkəzi hökumət büdcəsi ümumilikdə 1,06 trilyon lirə kəsir göstərib. Eyni dövrdə əsas büdcə artığı keçən ilə nisbətən 10 faiz artaraq 206 milyard lirəyə çatıb.