Türkiyə ticarət naziri Ömər Bolat iyun ayında ixracatda əhəmiyyətli artım gözlədiklərini və 4 milyarddan 5 milyard dollara qədər əlavə ixrac gəliri əldə olunacağını proqnozlaşdırıb.

Bolat qərb bölgəsində, Tekirdağ vilayətində çıxış edərək, qlobal iqtisadiyyatda yavaşlamaya baxmayaraq Türkiyənin ixrac sahəsində müsbət nəticələr göstərdiyini deyib. O, apreldə ixracatın 22,5 faiz artdığını, may ayında da artımın davam etdiyini bildirib, lakin Qurban bayramı səbəbindən işlək günlərin azaldığını qeyd edib.

İdxalatın daha çox azalacağını və xarici ticarət balansının müsbətə doğru dəyişəcəyini vurğulayıb.

Mart ayında İrana qarşı müharibənin istehsalat və ixracata mənfi təsir etdiyini bildirən Bolat, aprel ayında ixracatın güclü bərpa etdiyini qeyd edib. May ayının da yaxşı keçdiyini əlavə edib.

Bayramın 9 gün davam etməsi ilə işlək günlərin 14-ə qədər azaldığını, buna baxmayaraq ixracat tempinin yaxşı olduğunu bildirib. İyun ayında isə ixracatda 4-5 milyard dollar arasında artımın gözlənildiyini deyib.

Türkiyənin apreldə illik müqayisədə ixracatı 22,3 faiz artaraq 25,4 milyard dollar olub. İdxal isə 3,1 faiz artaraq 33,9 milyard dollar səviyyəsinə çatıb, xarici ticarət defisiti isə 29,8 faiz azalaraq 8,5 milyard dollara düşüb.

Yanvar-aprel dövründə ixracat 3 faiz artaraq 88,6 milyard dollara yüksəlib. Xarici ticarət defisiti isə 7,4 faiz artaraq 37,1 milyard dollar təşkil edib.

Aprel ayı sonuna Türkiyənin son 12 aylıq ixracatı 275,8 milyard dollar olub.