Türkiyənin enerji idxal xərcləri avqustda 33,8 faiz artıb

Anadolu Ajansı Türkiyə Statistika İdarəsi və Ticarət Nazirliyinin müvəqqəti xarici ticarət statistikasına əsaslanaraq bildirir ki, 2026-cı ilin avqust ayında Türkiyənin ümumi idxalı 2025-ci ilin avqust ayı ilə müqayisədə 10,5 faiz artaraq 28 milyard 705 milyon 923 min dollar olub.

Bu məbləğin 6 milyard 464 milyon 353 min dolları enerji idxalından ibarətdir. Bu enerji məhsulları mineral yanacaqlar, mineral yağlar, onların rafinə edilməsindən əldə olunan məhsullar, bitümlü maddələr və mineral mumu əhatə edir.

Ötən ilin eyni ayında enerji idxalı 4 milyard 831 milyon 522 min dollar təşkil etmişdi. Beləliklə, enerji idxalı xərcləri illik əsasda 33,8 faiz yüksəlib.

Avqust ayında xam neft idxalı isə 1,1 faiz azalararaq 2 milyon 844 min 434 tona düşüb.