Türkiyənin elektrik qurulu gücü yenilənəbilərlə artır

Anadolu Ajansı yazır ki, Türkiyənin elektrik qurulu gücü avqust ayının sonunda 126 min 944 meqavata çatıb. Bu gücün 79 min 902 meqavatı, yəni ümumi gücün 62,9 faizi yenilənəbilərdən ibarətdir.

Enerji və Təbii Ehtiyatlar Nazirliyi bildirib ki, yerli mənbələrin payı toplam gücün 72,1 faizini təşkil edib.

Avqustun sonu vəziyyətinə görə, günəş enerjisinin qurulu gücü 27 min 914 meqavata yüksəlib və ümumi gücün 22 faizini təşkil edir. Rüzgar enerjisində qurulu güc 15 min 434 meqavatdır və payı 12,2 faizdir.

Beləliklə, günəş və rüzgar enerjisinin ümumi qurulu gücü 43 min 348 meqavat təşkil edir və bu, toplam gücün 34,2 faizinə bərabərdir.

Enerji və Təbii Ehtiyatlar naziri Alparslan Bayraktar sosial şəbəkədə yayımladığı açıqlamada bildirib ki, Türkiyə enerji infrastrukturunun gücləndirilməsini davam etdirir və yenilənəbilərin payını artırmaqla enerji təchizatının təhlükəsizliyini möhkəmləndirir.

Bayraktar əlavə edib ki, 2053-cü ilə qədər Net Sıfır Emisiya hədəfinə doğru əmin addımlarla irəliləyirlər və COP31 prosesində Türkiyənin bu istiqamətdəki vizionunu və məqsədlərini açıq şəkildə nümayiş etdirəcəklər.