Türkiyədə yağışlı və sərin hava şəraiti davam edir

Anadolu Ajansı yazır ki, Meteoroloji Ümumi İdarəsinin 4-10 oktyabr dövrünə dair proqnozuna əsasən, oktyabrın 4-də Aralıq dənizi bölgəsinin böyük hissəsi, İç Anadolu regionunun cənub və şərq hissələri, Şərqi Anadolunun cənub bölgələri və Cənub-Şərqi Anadolu bölgəsinin bəzi yerlərində göy gurultulu yağışlar gözlənilir.

Bazar ertəsi günü yağışın əsasən Şərqi Anadolu, Cənub-Şərqi Anadolu və Şərq Qaradəniz yaxınlığında təsirli olacağı, Aralıq dənizinin bəzi ərazilərində də göy gurultulu yağışların davam edəcəyi proqnozlaşdırılır.

Çərşənbə axşamı və çərşənbə günü isə yağışların daha çox ölkənin şərq rayonlarında qalacağı, qərb və daxili ərazilərdə isə əsasən buludlu və az buludlu hava şəraitinin hökm sürəcəyi gözlənilir.

Ölkədə hava temperaturunun isə mövsüm normallarından aşağı səviyyədə olacağı bildirilir.