Türkiyədə DEAŞ-ə qarşı 16 vilayətdə əməliyyat keçirildi

Anadolu Agentliyi yazır ki, Türkiyə Daxili İşlər Nazirliyinin məlumatına əsasən, 16 vilayətdə keçirilən genişmiqyaslı əməliyyatlarda terror təşkilatı DEAŞ-a aid 51 şübhəli tutulub.

Əməliyyatlar Adana, Adıyaman, Balıkesir, Bursa, Diyarbakır, Düzcə, Edirne, Qaziantep, Iğdır, Kayseri, Mardin, Mersin, Nevşəhər, Sinop, Şanlıurfa və Zonguldakda həyata keçirilib.

Araşdırmalarda şübhəlilərin DEAŞ-a üzv olmaları, təşkilatla əlaqəli şəxslər və saxta yardım qurumları vasitəsilə maliyyə köməyi göstərmələri, həmçinin sosial media hesablarında terror təşkilatının təbliğatı ilə məşğul olduqları müəyyən edilib.