Türkiyə turizm mövsümünü il boyu keçirməyi planlaşdırır

News.ru yazır ki, Türkiyə hökuməti turizmin il boyu davam etməsi üçün planlar hazırlayır. Mədəniyyət və turizm naziri Mehmed Nuri Ersoy sosial şəbəkədə bu məqsədlə ölkənin 81 əyalətində turizmin təşviq ediləcəyini bildirib.

Ersoy vurğulayıb ki, Türkiyə mədəni irsi, təbiəti və qonaqpərvərliyi sayəsində dünyanın müxtəlif ölkələrindən gələn qonaqları qəbul edir. O, təbii və mədəni dəyərlərin qorunub saxlanması və gələcək nəsillərə ötürülməsinin dövlətin turizm siyasətinin əsas prioritetlərindən biri olduğunu qeyd edib.

Ötən ilin statistikasına əsasən, Türkiyə, Misir və Birləşmiş Ərəb Əmirlikləri rusiyalı turistlər arasında ən populyar istiqamətlər olub. 2025-ci ildə Rusiyadan 3,713 milyon nəfər Türkiyəyə, 1,96 milyon nəfər Misirə, təxminən 1,16 milyon nəfər isə BƏƏ-yə səfər edib.

Bundan əlavə, təyyarə bileti vasitəsilə 914,2 min nəfər Taylanda, 509 min nəfər Çinə, 419 min nəfər Abxaziyaya, 380,8 min nəfər isə Vyetnama gedib.