Türkiyə Səudiyyə Ərəbistanında hava hücumundan müdafiə sistemi yerləşdirəcək

News.ru yazır ki, Türkiyə "Dəmir Qübbə" adlı hava hücumundan müdafiə sistemini Səudiyyə Ərəbistanında yerləşdirə bilər. Hərbi ekspert Kəmal Olçar A-haber kanalına açıqlamasında bildirib ki, Səudiyyə Ərəbistanının mövcud hava müdafiə vasitələri kritik vəziyyətdədir.

Olçar Məhkəm müqaviləsinə istinadla qeyd edib ki, bu müqaviləyə qoşulmuş ölkələrdən birinə hücum bütün iştirakçı ölkələrə hücum kimi dəyərləndirilir. Bu baxımdan üç əsas variant gündəmdədir: Səudiyyə Ərəbistanının hərbi heyətinin təliminə dəstək vermək, Türkiyənin müasir silah və hərbi texnikasını həmin ölkədə yerləşdirmək və ən son halda isə Ər-Riyadda sərhəd əməliyyatları üçün ordu briqadasını göndərmək.

Ekspert xatırladıb ki, Fransa və ABŞ Səudiyyə Ərəbistanına gözlənilən dəstəyi verməyib. Bu səbəbdən ehtiyac duyulan hava hücumundan müdafiə sistemini Türkiyə göndərməyi planlaşdırır.