Türkiyə millisinin İtaliya ilə oyuna hazırlığı davam edir

Anadolu Ajansı yazır ki, Türkiyə Futbol Federasiyasının açıqlamasına görə, Standard Liege klubunun akademiya bazasında texniki direktor Vincenzo Montella rəhbərliyində məşqlər keçirilib.

Dünən Belçika ilə oyunda əsas heyətdə oynayan futbolçular zalda bərpa məşqləri aparıb, digər oyunçular isə meydanda məşq ediblər.

Məşqlər isinmə hərəkətləri ilə başlayıb, ardınca pas, çeviklik və son zərbə tapşırıqları ilə davam edib, taktiki oyunla bitib.

Türkiyə millisinin İtaliya ilə oyuna hazırlığı sabah keçiriləcək və ilk 15 dəqiqəsi mətbuata açıq olacaq məşqlə tamamlanacaq.

Daha sonra saat 17:30-da komanda Bolonya şəhərinə yola düşəcək. Montella və bir futbolçu oyun öncəsi saat 19:45-də Renato Dall'Ara stadionunda mətbuat konfransı keçirəcək.