Türkiyə külək enerjisi layihələrinin texniki qiymətləndirilməsini yeniləyib

Anadolu Ajansı yazır ki, Türkiyə Energetika Nazirliyi “Külək Enerjisi Mənbəsinə əsaslanan Elektrik İstehsalı Üçün Ərizələrin Qiymətləndirilməsi” qaydalarında dəyişiklik edib. Yeni normativə görə, “rədd edilən sahə” anlayışı genişləndirilib və külək, günəş, bioyanacaq və geotermal elektrik stansiyalarının sahələri, həmçinin Yenilənə Bilən Enerji Mənbəyi Sahələri (YEKA) ilə bağlı tənzimləmələr yenilənib.

Lisenziyasız istehsal ərizələrində sənədlərin çatışmazlığı, stansiya sahələrinin müəyyən edilən sahələrlə üst-üstə düşməsi, türbinlərin digər layihələrdəki türbinlərə təsiri və sahə sərhədlərinin təsdiqlənmiş koordinatlarla uyğun gəlməməsi texniki qiymətləndirmədə uyğunsuzluq kimi qəbul ediləcək.

Əlavə olaraq, ərizədə göstərilən külək turbini texniki dəyərlərinin müvafiq tip sertifikatı və əlavələri ilə uyğun gəlməməsi halında müraciətin texniki qiymətləndirilməsi uyğun sayılmayacaq.

Ön lisenziya və istehsal lisenziyasında göstərilən vahid sayı, gücü, koordinatları, stansiya sahəsi sərhədləri, qüllə hündürlüyü və rotor diametri kimi məlumatların dəyişdirilməsi üzrə müraciətlərdə məlumat formasının tam və səhvsiz hazırlanması tələb olunur.

Ərazi koordinatlarının sistemə daxil edilməsinin prosedurları yenidən tənzimlənib. Tapulu ərazilər, yollar, çaylar və suvarma kanallarına dair təsdiq edilmiş koordinat sənədlərinin müvafiq enerji şəbəkəsi operatorları tərəfindən “Yenilənə Bilən Enerji Layihələrinin Qiymətləndirilməsi Sistemi”nə (YEPDİS) daxil edilməsi nəzərdə tutulub.