Türkiyə ixracatında yüksək texnologiyaya üstünlük verir

Anadolu Ajansı yazır ki, Türkiyənin Ticarət naziri Ömər Bolat MÜSİAD Yüksək Məsləhət Heyəti ilə görüşdə ölkənin iqtisadi vəziyyəti və xarici ticarət sahəsində məqsədləri müzakirə edilib.

Bolat ölkənin ixracatını daha yüksək əlavə dəyərli və texnologiya əsaslı məhsullara yönəltmək, ixracatçıların yeni bazarlara çıxışını dəstəkləməyin əsas prioritet olduqlarını vurğulayıb.

Nazir İkinci rübdə ölkə iqtisadiyyatının 2,3 faiz böyüdüyünü, 32,5 milyon insanın işlə təmin olunduğunu və işsizliyin 7,8 faiz səviyyəsində sabit qaldığını bildirilib.

2026-cı ilin yanvar-sentyabr aylarında ixracatın ötən ilin eyni dövrü ilə müqayisədə 5,2 faiz artaraq 211 milyard dollara çatdığı, 10,5 milyard dollar əlavə ixracat artımının əldə edildiyi qeyd olunub.

Orta və yüksək texnologiyalı məhsulların ixracı 117,6 milyard dollarla rekordlara imza atıb, 2025-ci ildə isə xidmət ixracatının 124,9 milyard dollara yüksələrək 63 milyard dollarlıq ticarət artığı verməsi planlaşdırılır.

Bolat həmçinin ixracatın daha rəqəmsal və ekoloji təmiz istiqamətdə inkişaf etdirilməsinin, ölkənin qlobal ticarətdə payının artırılmasının əsas vəzifə olduğunu diqqətə çatdırıb.