TU-95 ekipajı faciənin qarşısını aldı

News.ru yazır ki, Amur vilayətinin hakimiyyəti TU-95 təyyarəsinin ekipajının təyyarəni yaşayış məntəqələrindən uzaq tutaraq böyük faciənin qarşısını aldığını açıqlayıb.

TU-95 hərbi təyyarəsi Krasnoyarovo yaxınlığında təlim uçuşu zamanı qəza enişi edib. Təyyarə silah-sursatsız uçuş həyata keçirirdi.

Ekipajın səyləri nəticəsində təyyarə yaşayış yerlərindən uzaq, insan olmayan əraziyə eniş edib və vəziyyət nəzarət altındadır.

Rusiya Müdafiə Nazirliyi bildirir ki, hadisədə altı ekipaj üzvü həlak olub, bir nəfər yaralanaraq təxliyə olunub.

Hadisənin görüntüləri sosial şəbəkələrdə yayımlanıb. Videodan görünür ki, təyyarə Krasnoyarovo kəndi ərazisindən keçir və sonra böyük işıq partlayışı baş verir. Bu, təyyarənin qalxdıqdan sonra qəzaya uğramasını təsdiqləyir.