Toydakı dava nəticəsində müəllim Mustafa Yasan ölüb

Hürriyet yazır ki, hadisə ötən cümə günü Şanlıurfanın Hürriyet Mahallesi'ndə baş verib. İddialara görə, toyda kuzenlər arasında səbəbi məlum olmayan mübahisə yaranıb. Mübahisə qonaqların müdaxiləsi ilə sona çatsa da, tərəflər evlərinin önündə yenidən dava ediblər.

Dava daş və sopaların istifadə olunduğu kütləvi davaya çevrilib. Bu zaman müəllim Mustafa Yasan və 47 yaşlı Mahmut Y. ağır vəziyyətdə xəsarət alıblar.

Hadisə yerinə çağırılan təcili yardım personalı Mustafa Yasanı Viranşehir Dövlət Xəstəxanasına çatdırsa da, o, aldığı zərbələrdən həyatını itirib. Yasanın cənazəsi məhkəmə ekspertizası zamanı sonra ailəsinə təhvil verilib. O, Ceylanpınar rayonundakı Cengiz Topel Əsas Məktəbində sinif müəllimi işləyib.

Hadisə ilə əlaqədar Viranşehir Rayon Polis İdarəsinin Cinayət Şöbəsi və Baş Prokurorluq əməkdaşları araşdırma aparıblar. Müəyyən olunub ki, 20 yaşlı Mustafa Y., 28 yaşlı Aslan Y., 38 yaşlı İsmail Y. və 39 yaşlı İbrahim Y. saxlanılıblar.

Polisdəki əməliyyatlardan sonra həbs qərarı verilmiş Mustafa Y., İsmail Y. və İbrahim Y. qəsdən adam öldürmə ittihamı ilə tutulublar. Aslan Y. isə məhkəmə nəzarəti şərti ilə sərbəst buraxılıb.