Tokayev Xəzər dənizindəki faciənin səbəbini açıqladı

News.ru yazır ki, Qazaxıstan Prezidenti Qasım-Comərd Tokayev Xəzər dənizində təlim zamanı ölən hərbçilərin xilasetmə jiletləri ilə təmin olunmadığını bildirib.

O, hərbçilərin zəruri avadanlıq, o cümlədən dəniz xilasetmə jiletləri olmadan təlimə cəlb olunmalarını qeyd edib.

Tokayev bütün məsul şəxslərin təlimlərin hazırlanması və həyata keçirilməsi zamanı təhlükəsizlik tədbirlərinə riayət etmələrini qiymətləndirməyi tapşırıb. Müdafiə Nazirliyində yoxlamalar başlayıb.

Təlimlər zamanı Mamqıstau bölgəsində güclü külək və pis hava şəraiti səbəbindən 17 hərbi dənizçi dənizə düşüb, onlardan yalnız üçü xilas edilib. Ölən hərbçilərlə bağlı cinayət işi açılıb.

Sonradan Tokayev müdafiə naziri Dauren Kosanovun vəzifəsindən azad olunmasını imzalayıb. Müdafiə naziri vəzifəsinə xüsusi təyinatlıların komandiri Aydos Mırzahmetov təyin edilib.