Ticketmaster Knicks azarkeşlərinə şənbə günü Texasda keçiriləcək NBA finalının 5-ci oyununda iştirak edə biləcəklərini, bilet alışı məhdudiyyətlərinə baxmayaraq, oyuna gedə biləcəklərini təsdiqləyib.

Saytdakı məlumatda bildirilib ki, San Antonio arenasından 150 mildən (241 km) uzaqda yaşayanların etdiyi biletlər xəbərsiz ləğv edilərək geri qaytarılacaq. Knicks və Spurs komandalarının oyununu izləmək üçün Nyu-Yorkdan gələcək azarkeşlər oyuna buraxılmayacağı üçün narahat idilər.

Nyu-York qubernatoru Keti Hocul sosial şəbəkədə yazıb: "Knicks azarkeşləri nəhayət bir oyunla çempionluğa çatan zaman biletlərinin ləğv edilməsi ilə mükafatlandırılır?"

Amma Ticketmaster platformasında alınan heç bir biletin ləğv olunmadığını və olunmayacağını açıqlayıb.

"Ticketmaster-də bilet alan azarkeşlər əmin ola bilərlər ki, onlar əsl və təsdiqlənmiş bilet əldə edir və bu bilet onlara oyuna giriş təmin edəcək," şənbə günü BBC-yə Ticketmaster təmsilçisi deyib.

Spurs klubunun nümayəndəsi BBC-yə bildirib ki, ünvanının poçt kodu təyin edilmiş ərazidən kənar olan şəxs həmin məhdudiyyətə aid bilet ala bilmir.

Amma o əlavə edib: "Əvvəlcədən alınmış biletlər ləğv edilmir və geri alınmır."

Spursun açıqladığına görə, yerli azarkeşlərə əhəmiyyətli oyunlara bilet almaq imkanını artırmaq üçün tətbiq olunan məhdudiyyət NBA play-off-larında apreldən bəri qüvvədədir. Cümə gecəsi TMZ-nin Ticketmaster bildirişini yayması panika və narazılıq yaradıb.

Hocul isə bildirib ki, Frost Bank Mərkəzində bilet alan azarkeşlər biletlərini saxlaya biləcəklər.

O yazıb: "Bu vaxta qədər bütün Knicks azarkeşləri adından bu qaydanı haqsız hesab edirəm."

Nyu York baş prokuroru Letitiya Ceyms Spursdan məhdudiyyəti aradan qaldırmağı və Knicks azarkeşləri ilə bu gecəki oyunda bilet alan hər kəsi oyuna buraxmağı tələb edib.

Azarkeşlərin oyuna buraxılacağından əmin olduqdan sonra Ceyms yazıb: "Məmnunam ki, Knicks azarkeşlərimiz bu gecə San Antonioda keçirilən oyunda iştirak edə biləcək. İrəli Knicks!"

Jim Dolan rəhbərlik etdiyi və Knicks-in sahibi olan Madison Square Garden Sports Corp nümayəndəsi bildirib: "Əvvəlki xəbərlərin əksinə olaraq, Spurs sahibliyindən təsdiq aldıq ki, Knicks azarkeşlərinin San Antoniodakı oyun üçün biletləri ləğv edilməyəcək və bütün bilet sahibləri Frost Bank Arenaya daxil ola biləcək."

Ticketmaster komandaların yerli azarkeşlərin tədbirlərə qatılmasını asanlaşdırmaq üçün tez-tez coğrafi məhdudiyyətlər tətbiq etdiyini açıqlayıb.

Yaşayış yeri kredit kartının ödəmə ünvanı əsasında müəyyən edilir.