Srebrenitsada tələbələrin milli forma geyinməsi qadağan edildi

Anadolu Ajansı yazır ki, Bosniyanın Srebrenitsa şəhərindəki Orta Təhsil Mərkəzi tələbələrin Bosna Hersek Milli Komanda formasını geyinib dərsə gəlməsini qadağan edib.

Sırp Respublikası ərazisində yerləşən məktəbin direktoru Sanja Mocevic tələbələrə bundan sonra milli forma ilə gəlməmələri barədə xəbərdarlıq edib. Qadağanı pozanların davranış qiymətlərinin azaldılması və digər cəzalarla üzləşəcəyi bildirilib.

Soyqırım Qurbanları və Şahidləri Assosiasiyasının sədri Murat Tahirovic bu iddiaların doğru olması halında vəziyyəti "son dərəcə narahatedici və qəbuledilməz" adlandırıb. O, aidiyyəti dövlət qurumlarını dərhal araşdırma aparmağa və tələbələrin ayrı-seçkiliyə məruz qalmaması üçün tədbir görməyə çağırıb.

Tahirovic Srebrenitsanın soyqırımın baş verdiyi yer olduğunu vurğulayıb və məktəbin bu məsələyə dair açıqlamasını gözlədiklərini bildirib.

1995-ci il iyulun 11-də Srebrenitsa Sırp qüvvələri tərəfindən işğal olunub və burada 8 mindən çox Boşnak kişi öldürülüb. Bu hadisələr beynəlxalq məhkəmələr tərəfindən soyqırım kimi tanınıb.