Somada mədən faciəsində 9 nəfər həbs edilib

Hürriyet yazır ki, Manisanın Soma rayonunda 1 oktyabr tarixində saat 13:15-də mədən müəssisəsində torpaq altında göçük olub. Hadisə zamanı 7 fəhlə torpaq altında qalıb.

Əraziyə cəlb olunan AFAD, jandarma, səhiyyə və Manisa Böyükşəhər Bələdiyyəsinin yanğınsöndürmə xidmətləri 2 fəhləni yaralı vəziyyətdə xilas edib.

Digər 5 fəhlə — Halit Ersay (37), Kerim Ören (37), Ramazan İnce (26), İsa Olcay (48) və Ömər Karakaya (34) — hadisə yerində ölü tapılıb.

Soma Cumhuriyyət Baş Prokurorluğunun başladığı istintaq çərçivəsində müəssisənin ümumi müdiri Yavuz Burgut, ümumi direktor müavini Aygün Ekici, layihə müdiri İsmail Demirkolon, istehsal müdiri Kenan Lokumcu, işçi sağlamlığı və təhlükəsizliyi müdiri Murat Baydar, mexaniki müdiri Hüseyn Toroman, növbə rəisi Mustafa Kabaklı, mühəndislər Faik Elban və Ramazan Özata saxlanılıb.

Jandarma idarəsində istintaq başa çatdıqdan sonra 9 şübhəli ötən gün səhər məhkəməyə gətirilərək həbs edilib.