Səudiyyə Ərəbistanı Yəmənin beş şəhərinə hava zərbələri endirdi

Anadolu Ajansı yazır ki, Səudiyyə Ərəbistanı Yəmənin şimal-qərbində yerləşən Sada vilayətində 8 hava zərbəsi endirib. Bu zərbələrdə Sadanın Zahir, Mecz və Sehar rayonları hədəfə alınıb.

Səudiyyə Ərəbistanına məxsus F-15 və Typhoon tipli təyyarələr Taiz, Cevf, Amran, Sada və Hudeydə vilayətlərində ümumilikdə 35 hava əməliyyatı həyata keçirib. Hərbi əməliyyatlarda kommunikasiya xətləri və məktəblər də daxil olmaqla mülki obyektlər vurulub.

Husilərin dəstək verdiyi Sebe xəbər agentliyinin məlumatına görə, Səudiyyə Ərəbistanının həyata keçirdiyi hücumların sayı 1158-ə çatıb. Səudiyyə tərəfdən məsələ ilə bağlı hələlik açıqlama verilməyib.

Yəmənin Taiz və Lahic şəhərlərində hökumət qüvvələri ilə Husilər arasında döyüşlər şiddətlənib. Yəmən televiziyası Sebe bu bölgələrdə qarşıdurmaların xüsusilə sərtləşdiyini xəbər verib. Təhlükəsizlik qüvvələri Husilərin ağır itkilər verdiyini bildirir.

BMT-nin Yəməndəki xüsusi təmsilçisi Hans Grundberq ölkədə sülh və sabitliyin bərqərar olması üçün tərəflərin birgə fəaliyyət göstərməsini çağırıb. O, Mısırın BMT-nin vasitəçilik səylərinə verdiyi dəstəyi yüksək qiymətləndirib.

BMT-nin İnsanitar İşlər Koordinasiya Ofisi (OCHA) döyüşlərin uşaqların həyatına yaratdığı təhdidləri vurğulayır. Təxminən 2 min 900 yerindən didərgin düşmüş uşağın təxminən 25 faizində qida çatışmazlığı aşkarlanıb, bunun təxminən 200-ü ciddi vəziyyətdədir. OCHA tezliklə yardım çatdırılmasının vacibliyini qeyd edib.