Ruslar Slavyanskda çoxmərtəbəli binalara hücum edib

Ukrainskaya Pravda yazır ki, 11 oktyabr səhər saatlarında Rusiyanın aviazərbəsi Slavyansk şəhərində iki çoxmərtəbəli yaşayış binasına dəyib.

Şəhər meri Vadim Lyax Facebook-da bildirib ki, saat 09:45-də düşmən şəhərə hücum edib və ilkin məlumatlara görə, dörd nəfər yaralanıb. Onlara tibbi yardım göstərilir.

Daha sonra yaralıların sayı yediyə yüksəlib. Lyax şəhərin yataqxana ərazisinə üç FAB-250 bombası atıldığını qeyd edib.

Zelenski isə Telegram-da bildirib ki, zərbə endirilən beşmərtəbəli binanın giriş hissəsi tamamilə dağılıb və dağıntılar altında insanların ola biləcəyini deyib.

Bundan əlavə, zərbə nəticəsində iki çoxmərtəbəli bina qismən dağılıb, əlavə olaraq yeddi mənzilli bina və bir mağaza zərər görüb.