Rusiyanın hücumunda Moldova ərazisinə dron düşüb

Kyiv İndependent yazır ki, sentyabrın 30-u saat 5:43-də Rusiyanın kütləvi hücumu zamanı dron Moldova hava məkanına daxil olaraq Hirbovat kəndi yaxınlığında düşüb və partlayıb.

Moldova Müdafiə Nazirliyi ilkin məlumata görə, partlayışda heç kim xəsarət almayıb. Hadisə yerinə Moldova polis və ordu əməkdaşları göndərilib.

Ukrayna Hərbi Hava Qüvvələri bildirir ki, gecə Rusiyanın 188 dron və müxtəlif raketləri ilə hücumları olub. Bu hücumlardan 86-sı reaktiv mühərrikli dronlar olub.

Hərbi Hava Qüvvələri həmçinin 5 raketin və 155 dronun vurulduğunu və ya neytrallaşdırıldığını açıqlayıb.

Kyiv İndependent xatırladır ki, avqust və sentyabr aylarında Moldova və Rumıniya hava məkanında Rusiyaya məxsus olduğu ehtimal edilən dronlar və raketlər bir neçə dəfə müşahidə olunub və məhv edilib.