Rusiyada uşaq bağçalarının yeni standartı qəbul edilir

News.ru yazır ki, Rusiya Təhsil Nazirliyinin rəhbəri Sergey Kravtsov bildirib ki, bağçaların standartları və federal proqramları yenilənəcək. Bu yeniliklərin əsas məqsədi uşaqların tərbiyəsində ailənin rolunu artırmaqdır.

Kravtsov qeyd edib ki, bağçaların əsas funksiyası uşaqları məktəbə hazırlamaq yox, onları tərbiyə etməkdir. Bağçalarda uşaqların ətraf mühitlə əlaqəsi, milli mədəniyyət, ədəbiyyat və əxlaqi dəyərlərlə tanışlığı önə çəkiləcək.

Onun sözlərinə görə, məktəbə hazırlıqla bağlı mövzular ikinci planda qalacaq. Bu yanaşma Federal Dövlət Təhsil Standartının (FDTŞ) əvvəlki versiyasından fərqlənir və daha çox tərbiyəyə əhəmiyyət verir.

Əvvəlki açıqlamalara görə, bağçalarda səhər saatlarında uşaqların temperaturu ölçüləcək. Pediatr və revmatoloq Margarita Soloşenko deyib ki, xəstə uşaqların bağçaya girişi məhdudlaşdırıla bilər.