Rusiyada hamilələrə dəstəyin artırılması tələb olunur

News.ru yazır ki, Rusiya hüquqşünası və hüquq müdafiəçisi İvan Kurbakov hamilə qadınlar üçün psixoloji yardımın daha əlçatan edilməsini tələb edib. O, bunun ananın psixi sağlamlığını qorumağa və uşağın həyatını xilas etməyə kömək edəcəyini bildirib.

Kurbakov həmçinin uşağın doğumunda atalığın müəyyən olunması üçün mütləq DNT testinin tətbiqinin vacib olduğunu qeyd edib. Bu tədbirin hüquqi nəticələrin asan müəyyənləşməsini təmin edəcəyini vurğulayıb.

O, hamilələr üçün geniş və kompleks erkən yardım sisteminin yaradılmasının effektiv olacağını söyləyib. Buraya psixoloji və tibbi dəstəyin əlçatan olması, gizli şəkildə krizis vəziyyəti barədə məlumat vermək imkanlarının olması, sosial xidmətlərin fəaliyyəti və təcili yardım üçün aydın mexanizmin mövcudluğu daxildir. Həmçinin, həyat və sağlamlıq sığortası barədə məlumatlandırmanın vacib olduğunu qeyd edib ki, bu da hamiləlik və doğuş zamanı gözlənilməz xərcləri, o cümlədən xaricdə tibbi xidmətləri əhatə edir.

Hüquqşünas bildirib ki, Şeremetyevo aeroportunda baş verən hadisəyə hüquqi qiymət yalnız bütün hallar aydınlaşdıqdan sonra veriləcək. Burada yenidoğulmuşun ölüm səbəbi də araşdırılmalıdır.

Hadisədə ana da vəfat edib ki, bu, cinayət işi üzrə prosesual vəziyyəti əsaslı dəyişir. Ölən şəxsə qarşı cinayət işi adətən dayandırılır.

Əvvəl qeyd olunub ki, Şeremetyevo aeroportuna gələn qadın dərhal doğuş başlayıb. O, terminalın C zonasındakı tualet kabinəsində təkbaşına uşaq dünyaya gətirib və göbək bağı kəsib.