Rusiyada Anatoli Kaşpirovski vəfat edib

Ukrainskaya Pravda yazır ki, Anatoli Kaşpirovski Rusiyada 87 yaşında vəfat edib. O, 1980-ci illərin sonlarında televiziyada yayımlanan "sağlamlıq seansları" ilə tanınıb.

1989-cu ildə SSRİ-nin Mərkəzi televiziyası onun "sağlamlıq seansları"nı göstərməyə başlayıb. Kaşpirovski həmin seanslarda uzaqdan tamaşaçıların sağlamlığına təsir edə biləcəyini iddia edib. Lakin onun metodları elm adamları və həkimlər tərəfindən müalicə effektivliyinin olmaması səbəbindən tənqid olunub.

Anatoli Kaşpirovski 1939-cu ildə müasir Ukrayna ərazisində yerləşən Stavnitsa kəndində anadan olub. O, Vinitsa Tibb İnstitutunu bitirib və uzun müddət psixoterapevt kimi Vinitsada çalışıb.

1993-cü ildə Kaşpirovski Rusiya Federasiyasının ilk Dövlət Dumasına LDPR partiyasından deputat seçilib.

1995-ci ildə Budennovskdə girovların ələ keçirilməsi zamanı Şamil Basayevlə danışıqlarda iştirak edib.

Sonralar Kaşpirovski ABŞ-a köçsə də, ictimai çıxışlarını və turnelərini davam etdirib. 2020-ci ildən etibarən YouTube platformasında "seans"larını yayımlayıb.