Rusiya yenidən Kiyevdə Şimal körpüsünü vurdu

Ukrainskaya Pravda yazır ki, 4 oktyabr səhəri Rusiya qüvvələri Kiyevdə Şimal körpüsünə növbəti hücumu həyata keçirib.

Şəhər meri Vitali Kliçko bildirib ki, işğalçılar körpünün yol örtüyünə zərbə vurublar.

Sosial şəbəkələrdə körpüdə hərəkət edən avtomobillərin üzərində partlayışın baş verdiyi barədə videogörüntülər yayılıb.

Hadisə yerinə fövqəladə xidmətlər göndərilib, amma əlavə təfərrüatlar hələ açıqlanmayıb.

Xatırladaq ki, 3 oktyabrda Rusiya pilotsuz reaktiv qurğusu vasitəsilə Şimal körpüsünə zərbə endirmişdi. Bu zərbə nəticəsində iki nəfər xəsarət almışdı.