Rusiya Xarkovun ətrafını raketlə vurub, arasında uşaq olmaqla 6 nəfər yaralanıb

Şənbə axşamı Xarkovun ətrafına raket zərbəsi nəticəsində aralarında uşaq olan 6 nəfər yaralanıb.

Məlumatı Xarkov Vilayət Dövlət Administrasiyasının rəhbəri Oleg Sinequbov verib.

"Xarkovun ətrafında düşmən raket zərbəsi qeydə alınıb.

İlkin məlumata görə, zərbə ərzaq mağazasının yaxınlığına dəyib.

6 nəfər, o cümlədən uşaq yaralanıb. Lazımi tibbi yardım göstərilir".

Hadisədən əvvəl Ukrayna prezidenti Vladimir Zelenski şənbə axşamı Xarkovdakı TEÇ-5-ə Rusiya zərbəsi endirildiyini açıqlayıb.