Rusiya voleybol klubları 2027/28 mövsümündən Avropa kuboklarına qayıdır

News.ru yazır ki, Rusiya voleybol klubları 2027/28 mövsümündən etibarən yenidən Avropa kuboklarında iştirak edə biləcək. Bu barədə jurnalist Yakub Balcerjak sosial şəbəkələrdə məlumat verib.

Avropa Voleybol Konfederasiyasının yayda təşkil etdiyi konqresdə Rusiya idmançılarına qoyulan məhdudiyyətlər aradan qaldırılıb.

Məlumatda bildirilir ki, həmin mövsümdə Rusiya komandaları ev oyunlarını Rusiyada deyil, ehtimal ki, Belqradda keçirəcək.

Beynəlxalq Voleybol Federasiyası iyulun 8-də Rusiya millisinin yarışlara buraxılacağını açıqlayıb. Bu qərar Beynəlxalq Olimpiya Komitəsinin Rusiya idmançılarına tətbiq olunan məhdudiyyətlərlə bağlı tövsiyələrini ləğv etməsindən sonra qəbul olunub.

Rusiya klublarının Avropa səhnəsinə qayıdışı mərhələli olacaq. Hələ ki, ev oyunları neytral zonada baş tutacaq.

Əvvəllər bildirilib ki, Rusiya boks millisinin üzvləri Avropa çempionatında milli bayraq və himn ilə çıxış edərək, komanda hesabında qələbə qazanıblar. Turnirdə yeddi qızıl, beş gümüş və üç bürünc medal qazanıblar. "World Boxing" adlı təşkilat Rusiya idmançılarını məhdudiyyətsiz yarışlara buraxdığını elan edib.