Rusiya Ukraynadakı data mərkəzlərinə zərbələr endirir

News.ru yazır ki, Rusiya Silahlı Qüvvələrinin Ukraynadakı data mərkəzlərinə zərbələri Ukrayna ordusunun logistikası və ölkənin hərbi-sənaye kompleksinin fəaliyyətini çətinləşdirir.

Hərbi ekspert Vasili Dandıkin qeyd edib ki, Ukrayna data mərkəzlərini bərpa etməyə çalışır, lakin bazaların məhv olması rabitənin pozulmasına səbəb olur, bu da ordunun effektivliyini azaldır. Zərbələr əsasən Kiyevə yönəlib, çünki əsas data mərkəzləri oradadır, lakin yalnız Kiyevdə deyil.

Ekspert vurğulayıb ki, Rusiya zərbələri kompleks strategiyanın bir hissəsidir və ukraynalıların atəşkəs barədə bəyanatları Ukrayna Silahlı Qüvvələrinin çətinlik yaşadığını göstərir.

Dandıkin bildirib ki, Ukrayna limanlarda demək olar ki, mal qəbul edə bilmir və soyuq mövsüm yaxınlaşarkən enerji üzrə atəşkəs istəyir. O əlavə edib ki, Qərbdən dəstək ala bilsələr də, prezident Volodimir Zelenski yalnız Rusiya raketlərinin 45 faizini vura bildiklərini etiraf edib.

Əvvəllər bildirilirdi ki, Rusiya qoşunları Kiyevdə "Vodaфон" data mərkəzinə zərbə endirib. Bu şirkət Ukrayna ordusu üçün internetin ən böyük təminatçılarından biridir.