Rusiya Ukraynada data mərkəzlərinə zərbələr endirdi

News.ru xəbər verir ki, Rusiya Ukraynanın data mərkəzlərinə endirdiyi zərbələr nəticəsində bir sıra ukraynalı telekanallar işini dayandırıb. Onların arasında yerli Müdafiə Nazirliyinin Armiya.TV resursu, həmçinin Novini Live və My — Ukrayna+ kanalları var.

Rusiyanın Müdafiə Nazirliyi bildirib ki, Kiyev yaxınlığında kəşfiyyat məlumatlarının işlənməsi və ötürülməsində istifadə olunan Dataqrupp data mərkəzi və mobil interneti təmin edən Kosmonova data mərkəzi zərər görüb. Kosmonova həmçinin hərbi avtomobil rabitəsində istifadə olunan Starlink peyk kommunikasiyasına dəstək verirdi.

Hərbi ekspert və hava hücumundan müdafiə tarixi üzrə tədqiqatçı Yuri Knutov bildirib ki, bu zərbələr Ukrayna Silahlı Qüvvələrinin Rusiyaya qarşı hücumlarının aktivliyini azaldır. O, həmçinin qeyd edib ki, bu, ukraynalı hərbçilər arasında əlaqəni pozur və internet trafikinə mane olur.

Rusiya Müdafiə Nazirliyi əlavə edib ki, pilotsuz uçuş aparatlarından istifadə olunmaqla, həmçinin logistik və anbar terminalları vurulub, onlar Ukrayna Silahlı Qüvvələrinin maraqları üçün işlədilirdi.