Rusiya Odessa şəhərində yaşayış binasına zərbə endirdi

Ukrainskaya Pravda yazır ki, 28 sentyabrda rus qoşunları Odessa şəhərində çoxmərtəbəli yaşayış binasını raketlə vurub.

Hadisə nəticəsində dörd nəfər xəsarət alıb, onlardan biri uşaqdır.

Şəhər administrasiyasının rəhbəri Sergey Lısak bildirib ki, düşmən şəhərə hücum edib və yaşayış binasına zərbə endirib.

Zərbə nəticəsində binanın 12-ci mərtəbəsindəki mənzil dağılıb, 1-dən 11-ci mərtəbələrə qədər isə fasad, eyvan və pəncərələr zədələnib.

Region administrasiyasının rəhbəri Oleg Kiper əlavə edib ki, yaralılardan 56 yaşlı kişi və 37 yaşlı qadın xəstəxanaya yerləşdirilib.

17 və 18 yaşlı iki qız isə yerində yardım alıb.