Rusiya Kiyevə yenidən dron hücumu etdi

Kyiv Independent yazır ki, oktyabrın 5-də gecə vaxtı Rusiya hücumu nəticəsində Kiyevin Peçerski rayonunda dron qalıqları yaşayış ərazisinə düşüb.

Dron hava hücumundan müdafiə sistemi tərəfindən vurulduqdan sonra iki avtomobil yanıb, üçüncüsü zədələnib, Ukraynanın Dövlət Fövqəladə Hallar Xidməti xəbər verib.

Axşam saatlarında dron hücumu təhlükəsi ilə əlaqədar hava hücumu siqnalı verilib.

Rusiya müharibəsini davam etdirir və Kiyev ilə Ukraynanın digər şəhərlərinə ölümcül hücumlar edir.

Oktyabrın 4-də səhər saatlarında Rusiya dronla Dnipro çayının üzərindəki Kiyevin Şimal körpüsünün yoluna zərbə endirib, iki nəfər yaralanıb, deyə şəhər meri Vitali Klitsko bildirib.

Rusiya həmçinin Kiyevin Cənub körpüsünü də hədəfə alıb, buna görə Dnipro çayı üzərində pəntun keçidlərinin tikintisinə başlanılıb.

Ukraynanın Bərpa, İnfrastruktur və Nəqliyyat naziri Mykola Kalaşnyak "Suspilne" telekanalına bildirib ki, sürətlə həm bənd, həm də pəntun keçidi inşa olunur.