Rusiya Kiyevdə data mərkəzlərinə zərbələr endirib

News.ru yazır ki, Rusiya Silahlı Qüvvələrinin Kiyevdə data mərkəzlərinə zərbələri Ukrayna Silahlı Qüvvələrinin rabitəsini tamamilə itirməsinə səbəb ola bilər.

Hərbi ekspert və hava hücumundan müdafiə tarixi üzrə alim Yuri Knutov bildirir ki, bu zərbələr həm rabitənin saxlanmasına, həm də ukraynalı hərbçilərin zəruri məlumatlara çıxışına ciddi maneə törədəcək.

Kiyevdəki data mərkəzləri həm vətəndaş, həm də hərbi internet və rəqəmsal telefon rabitəsinin əsasını təşkil edir. Məlumatların böyük bir hissəsi xarici ölkələrdə yerləşən serverlərin “bulud”unda saxlanılsa da, bu mərkəzlər məlumat ötürücü qovşaqlar kimi fəaliyyət göstərir.

Knutovun sözlərinə görə, bu qovşaqların sıradan çıxması, hətta Polşa və Niderland kimi ölkələrdə yerləşən data mərkəzlərində saxlanılan məlumatların Ukrayna Silahlı Qüvvələri üçün əlçatmaz olmasına gətirib çıxaracaq.

Rusiya Müdafiə Nazirliyi bir neçə gün əvvəl “Varyaq” pilotsuz sistemləri briqadasının “Gerañ” pilotsuz aparatlarının “Parkovıy”, Ukrtelekom, “Giga” və “Podolskiy” adlı data mərkəzlərinə zərbələr endirdiyini açıqlayıb. Bu obyektlər dövlət və kommersiya xidmətlərində, eləcə də Ukrayna Silahlı Qüvvələrinin maraqları üçün məlumatların emalında istifadə olunurdu.