Rusiya Kalininqradda nüvə hədəsini artırdı

Kyiv İndependent yazır ki, Rusiya İrlandiyadakı səfirliyi açıqlama verərək bildirir ki, əgər NATO ölkələri Kalininqrad vilayətini digər Rusiyadan təcrid etməyə çalışarsa, Rusiya nüvə arsenalından istifadə etməyə hazırdır.

Bu bəyanat Rusiyanın Baltik dənizi sahilində yerləşən Kalininqrad vilayətinə qarşı mümkün hədələrin müzakirə olunduğu vaxtda verilib. Rusiya həmçinin İngiltərədəki səfirliyi vasitəsilə oktyabrın 29-da bu kimi hədələri səsləndirib və deyib ki, NATO və Britaniyanın hər hansı hərbi addımı nüvə cavabına səbəb ola bilər.

Rusiya səfirliyi Avropa İttifaqı və NATO-nun Rusiyanın qərb sərhədində hərbi fəaliyyətini artırdığını, hərbi təlimlər keçirdiyini iddia edir. Səfirlik NATO-nun Kalininqradın hava və dəniz blokadasını hazırladığı barədə məlumat olduğunu bildirib, lakin bunu sübut etməyib.

Kalininqrad vilayəti Polşa və Litva arasında yerləşən, Rusiyanın əsas hissəsindən Litva ərazisi ilə ayrılan eksklavdır.

Rusiya səfirliyi Avropa rəsmilərinin Rusiya ilə hərbi qarşıdurma ehtimalı barədə xəbərdarlıqlarını əsassız sayır. Rusiya Xarici İşlər naziri Sergey Lavrov isə deyib ki, Qərb Rusiyaya hücum etsə, Moskva onun qarşılığında "tamamilə fərqli və çox qısa" müharibə aparacaq.