Rumıniya sərhəddəki üç hava obyekti üzərinə aviasiyanı qaldırıb

Oktyabrın 14-ü çərşənbə səhəri Rumıniyanın radiolokasiya müşahidə sistemi Ukraynanın Vilkovo şəhəri yaxınlığında, Rumıniya sərhədindən kənarda hava hədəfləri aşkar edib.

Bu barədə "Avropa Həqiqəti" məlumat yayıb, məlumat Rumıniya Müdafiə Nazirliyi tərəfindən verilib.

Milli hərbi komanda mərkəzi fövqəladə hallar idarəsinə məlumat verib ki, Tulça dairəsinin şimalında əhalinin xəbərdar edilməsi üçün tədbirlər görülsün. Saat 6:39-da RO-Alert mesajı göndərilib.

Rumıniyanın hava qüvvələrinin iki F-16 təyyarəsi və bir IAR-330 SOCAT helikopteri havaya qalxıb.

Radiolokasiya müşahidəsi məlumatlarına görə, bu üç hava hədəfi Rumıniyanın hava məkanına daxil olmayıb.

Oktyabrın 5-dən 6-na keçən gecə Rumıniya sərhəd boyunca iki hədəfi izləmək üçün müttəfiq aviasiyasını havaya qaldırıb.

Xəbara görə, oktyabrın 2-si gecə Rumıniya Rusiyanın Ukrayna bölgələrinə hücumları fonunda ölkə ərazisinə düşən ehtimal olunan dronu qeydə alıb.

Sentyabrın 29-da ölkənin Müdafiə Nazirliyi Breyla dairəsində aşkar edilmiş qalıqlar barədə məlumat alıb.