Rumıniya İspaniyanın F-18 təyyarələrini Ukrayna sərhədində havaya qaldırıb

Ukrainskaya Pravda yazır ki, Rumıniyanın radar sistemi 6 oktyabrın gecəsi Ukraynanın hava məkanında, Rumıniya ilə sərhəd yaxınlığında iki hava obyekti aşkarlayıb.

Bu səbəbdən Rumıniyada İspaniyanın Hərbi Hava Qüvvələrinə aid iki F-18 qırıcı təyyarəsi 57-ci aviabazadan havaya qalxaraq vəziyyəti izləyib.

Təyyarələrin havaya qalxması vaxtı Tuçla rayonunun şimal və şərq hissələrində 02:20-də əhali RO-Alert sistemindən xəbərdar edilib.

Rumıniyanın hava məkanına heç bir müdaxilə olmayıb, hava təhlükəsi saat 03:14-də aradan qaldırılıb.

Son günlərdə Rumıniya hava məkanına yaxın ərazilərdə hərbi fəaliyyət artıb, 2 oktyabrda ölkədə mümkün pilotsuz aparatın düşməsi məlumatı daxil olub.