Rəcəb Tayyib Ərdoğan iqtisadi toplantıya rəhbərlik edib

Anadolu Ajansı yazır ki, Türkiyə Prezidenti Rəcəb Tayyib Ərdoğan başçılıq etdiyi iqtisadi koordinasiya toplantısında səhm bazarlarında baş verən yeni inkişaflar qiymətləndirilib.

Toplantıya iqtisadi rəhbərlər və əlaqədar qurumların yüksək vəzifəliləri qatılıb. Onlar sahələrində davam edən işlər və görülən tədbirlər barədə prezidentə məlumat veriblər.

Ərdoğan fondların təmizlənmə prosesinin ciddi şəkildə davam etdirilməsini, sərmayədarların hüquqlarının qorunmasını və ödənişlərin ədalətli, sağlam və ən qısa zamanda aparılmasını prioritet sayıb.

Bu məqsədlə, ümumi koordinasiyanın təmin olunması üçün vitse-prezidentin rəhbərliyi altında "Fond Koordinasiya Şurası" yaradılıb. Həmçinin, Dövlət Nəzarət Şurası son dövrlərdə kapital bazarlarında baş verən sərmayə fonu əməliyyatlarını araşdırmaq və nəzarət etmək üçün işə başlayıb.

Toplantıda, "Katılımevim" və "Birevim Tasarruf Finansman" şirkətləri ilə İqtisad Katılım Bankı arasında "Türkiyə Əmlak Katılım Bankı"na keçid prosesinə dair məlumat verilib.

Səhm bazarlarının işini və nəzarət mexanizmlərini gücləndirmək və gələcəkdə oxşar problemlərin təkrarlanmaması üçün əlavə inzibati və hüquqi tənzimləmələrin həyata keçirilməsinə qərar verilib.