Qazaxıstan Müdafiə Nazirliyində tam yoxlama aparılır

News.ru yazır ki, Qazaxıstan Prezidenti Kasımyomart Tokayev Respublika Müdafiə Nazirliyinin fəaliyyətinin hərtərəfli yoxlanması məqsədilə komissiya yaradılması barədə sərəncam imzalayıb.

Bu komissiyanın rəhbəri Respublika Təhlükəsizlik Şurasının sədr müavini Aida Balayeva təyin olunub.

Komissiya ilkin nəticələri üç gün ərzində təqdim etməlidir.

Yaradılmış heyətə Respublikanın Ali Audit Palatasının, Prezident Administrasiyasının, Maliyyə Nəzarəti Agentliyinin, Təhlükəsizlik Şurası aparatının, Milli Təhlükəsizlik Komitəsinin, Maliyyə Nazirliyinin, Baş Prokurorluğun və Milli İqtisadiyyat Nazirliyinin sədrləri daxildir.

Komissiya müdafiə qüvvələrinin maliyyə və maddi-texniki təminatı da daxil olmaqla, nazirliyin müxtəlif sahələrini yoxlayacaq.