Putin Rusiya Ordusunun sayının artırılmasını təsdiqlədi

Ukrainskaya Pravda yazır ki, Vladimir Putin Rusiya Silahlı Qüvvələrinin sayını 15,5 min nəfər artırıb.

Fərmana əsasən ordu heyətinin ümumi sayı 2 441 630 nəfər, o cümlədən 1 550 500 hərbi qulluqçu olacaq.

Bu fərman Putin tərəfindən son bir il ərzində dördüncü dəfə verilir. Əvvəlki fərmanlar mart, iyun və iyul aylarında imzalanıb.

Putin əlavə edib ki, Rusiya Baltik ölkələrində rusdilli əhalinin hüquqlarının pozulduğunu bilir, amma Avropada müharibəyə hazırlaşmır.

Ukrayna Prezidenti Volodimir Zelenski isə Moskvanın Avropa ölkələrinə hücum riski olduğunu vurğulayır.