Polşada hava təhlükəsi barədə mesaj səhv əraziyə göndərilib

Ukrainskaya Pravda xəbər verir ki, bazar ertəsi axşam Polşanın təhlükəsizlik mərkəzi hava hücumu təhlükəsi barədə bildirişi səhvən müxtəlif vilayətlərə göndərib.

Mesaj əsasən ölkənin şərqində yerləşən Lublin vilayətinin sakinlərinə ünvanlanmışdı, lakin texniki səhv nəticəsində qərbdə, Almaniya ilə sərhəddə yerləşən Lubusk vilayətinin də sakinlərinə çatıb.

18:30-da göndərilən mesajda bildirilib ki, Rusiya Ukraynaya hava hücumları planlaşdırır, ancaq vəziyyət nəzarətdədir və Polşanın hava qüvvələri öz hava məkanında aktivdir. İşğalçı təhdidə qarşı tədbirlər görülür.

Təhlükəsizlik mərkəzi yayılan bəyanatda səhvin baş verdiyini təsdiqləyib və Lubusk vilayətinə göndərilən mesajın nəzərdə tutulmadığını açıqlayıb. Həmçinin, sakinlərdən yaranan narahatlığa görə üzr istəyib.

Xatırladaq ki, Polşa sentyabrın 1-dən etibarən hava müdafiə prosedurlarını Rusiyanın Ukraynaya hücumları səbəbindən yenidən tənzimləyib.

5 oktyabrda isə Polşanın milli müdafiə naziri Vladislav Kosinyak-Kamyş Lublin vilayətində ordu birləşmələrinin sayını artırıb.