Polşada Donald Tuskun hökumətinə münasibət pisləşib

Polşalıların yarıdan çoxu Donald Tuskun hökumətinin fəaliyyətini pis qiymətləndirir.

"Ümumpolşa Tədqiqat Qrupu"nun apardığı sorğunun nəticələrini "Avropa Həqiqəti" yayıb, Rzeczpospolita-ya istinadla.

Respondentlərin 53,6 faizi Donald Tuskun hökumətini pis qiymətləndirir.

Sorğuya qatılanların 37,88 faizi hökumətin "çox pis" işlədiyini, 15,72 faizi isə "qismən pis" olduğunu düşünür. Sentyabrda aparılan sorğu ilə müqayisədə hökuməti pis qiymətləndirənlərin faizi 4,4 faiz artıb.

Fəaliyyəti müsbət qiymətləndirənlər 26,65 faizdir. "Çox yaxşı" deyənlər 7,9 faiz, "qismən yaxşı" diyenlər isə 18,75 faiz təşkil edir. Müsbət qiymətlərin faizi 1,15 faiz azalıb.

Sorğuda iştirak edənlərin 19,75 faizi Tuskun hökumətini nə yaxşı, nə də pis qiymətləndirib.

Sorğu oktyabrın 1-dən 7-dək 1.000 nəfərlik təmsilçi qrup arasında keçirilib. Nəticələr koalisiya hakimiyyətə gəlməsinin üçüncü ildönümündən bir gün sonra dərc olunub.

Sentyabrda Polşa prezidentinin beynəlxalq siyasət bürosunun rəhbəri Marçin Pşidak bildirmişdi ki, Donald Tuskun hökuməti Rusiyanın təhlükəsi barədə məlumatlardan siyasi mənfəət üçün istifadə edir.

Polşa prezidenti Karol Navrotski Tusku "qorxu salmaqda" suçlayıb.