Polşada canlı yayımda avtomobil 14 yaşlı qıza çarpıb

Anadolu Agentliyi yazır ki, Polşada televiziyanın canlı yayımında qara rəngli avtomobil elektrikli skuter sürən 14 yaşlı qıza çırpılıb.

Hadisə Koshçerzına şəhərindən canlı yayım edən TVP İnfo-nun müxbiri Milos Selyvonçikin yayımladığı vaxt baş verib.

Videoda avtomobilin yan küçəyə dönərkən skuter sürən qıza çırpması, qızın qoluna və ön şüşəyə dəyərək yola düşməsi göstərilir.

Televiziya heyəti dərhal təcili yardım çağıraraq qıza yardım göstərib.

Polis açıqlayıb ki, sürücü hadisədən sonra bir neçə dəqiqə sonra geri qayıdıb, sərxoş deyil, lakin sürücülük vəsiqəsi olmayıb.

Çarpma gücünə baxmayaraq, qız yüngül sıyrıqlarla xilas olub.

Hadisənin şəraitinin araşdırılması davam edir.