Polşada baş nazir və müdafiə naziri əleyhinə sui-qəsd planı araşdırılır

Al Jazeera yazır ki, Polşada baş nazir Donald Tusk və müdafiə naziri Vadislav Kosinyak-Kamyş, həmçinin baş nazirin müavini olan Kosinyak-Kamyşın sui-qəsd planı ilə bağlı məlumat Polşa polisi tərəfindən qəbul olunub.

Daxili İşlər Nazirliyinin sözçüsü Karolina Qaletska sosial şəbəkələrdə etdiyi açıqlamada bu məsələ ilə bağlı tədbir görülməsini əmr etdiklərini bildirib.

Qaletska həmçinin qeyd edib ki, polis, dövlət mühafizə xidməti və nazirlik nümayəndələrinin vəziyyəti müzakirə etmək üçün təcili iclas keçirəcəyi planlaşdırılıb.

Xüsusi xidmətlərin sözçüsü Yaçek Dobjinski yerli mediaya açıqlamasında məlumatın ciddi qəbul edildiyini, həmçinin iclasda əlavə tədbirlərin qərara bağlandığını deyib, lakin təfərrüat verməyib.

Polsat News xəbər agentliyi Dobjinskinin bu açıqlamasını dəstəkləyib, Radio Zet isə polisə məlumatı ehtiva edən elektron məktub daxil olduğunu qeyd edib.

Baş nazir və müdafiə naziri hələ münasibət bildirməyib.