Polşa Estoniyadan gələn Humvee-ni sərhəddə saxladı

Ukrainskaya Pravda yazır ki, Estoniyanın xeyriyyə təşkilatı tərəfindən Ukrayna ordusu üçün göndərilən Humvee markalı mülki avtomobil Polşa sərhədində dayanıb.

Volontyor SAB UA təşkilatından Yan Laar bildirib ki, konvoyun tərkibində olan bu Humvee istisna olmaqla, digər nəqliyyat vasitələri sərhəddən keçib.

Laar deyir ki, Polşada qanun dəyişib və artıq bu cür avtomobillərin ixracı üçün lisenziyanı yalnız polşalı vətəndaş əldə edə bilər.

Xeyriyyəçilər Estoniyanın Xarici İşlər Nazirliyindən və ABŞ-dan Humveinin hərbi məqsədlərə uyğun olmadığını təsdiqləyən sənədlərə malik idilər, lakin bu, Polşada kifayət etməyib.

Ukrayna səfirliyi və hərbi attaşe Polşada kömək edir, amma prosedurun dörd ay çəkəcəyi gözlənilir.

Yan Laar əlavə edib ki, polşalı sərhədçilərin könüllülərə münasibəti yaxşıdır, lakin mürəkkəb sənəd işləri çətinlik yaradır.

Laar sərhəddə birinci gecə Humveidə gecələyib, sonrakı gecələrdə isə sərhədçilər ona isti otaqlar ayırıblar.

Məlumatda qeyd olunur ki, hərbi münaqişə başlayandan sonra Latviyanın da Ukraynaya sərxoş sürücülərdən müsadirə etdiyi maşınları göndərdiyini xatırladır, 2024-cü ildə isə belə maşınlardan 600-dən çoxu Ukraynaya verilib.