Pentaqon ofitser heyətini 20 faiz azaldır

Ukrainskaya Pravda yazır ki, ABŞ Müdafiə naziri Pit Hegset Pentaqonun generallar və admiral heyətinin sayını 20 faiz azaltmaq niyyətindədir. Reuters-in məlumatına görə, bu qərar nazirlikdə struktur islahatı çərçivəsində veriləcək.

Hegset vəzifəyə təyin olunandan sonra yüksək rütbəli ofitserlərin bir qismini işdən çıxarıb və kadr islahatlarına başlayıb. Bu dəfə o, generallar və admiralların sayını əvvəlki plana nisbətən iki dəfə çox azaldacaq.

Plan üzrə bəzi ofitserlər işdən çıxarılmaq əvəzinə başqa rütbələrlə təmin edilə bilər, bəzi vəzifələr isə ləğv olunacaq.

Bazar ertəsi Pentaqon hərbi akademiyalarda vəzifələrə artıq mülki şəxsləri təyin etməyəcəyini elan edib. Bu, akademiyaları daha çox döyüşə hazırlıq funksiyasına yönəltmək məqsədilə atılan addımdır.

Hegset vəziyyəti qətiyyətlə dəyişməkdədir. Ötən il o, yüksək rütbəli ofitserləri tənqid edərək onları "korlanmış mədəniyyətin" bir hissəsi adlandırmışdı. Onun bu yanaşması ən yüksək rütbəli afroamerikan general və qadın admiralın işdən çıxarılması ilə nəticələndi.

Bundan əlavə, Pentaqon ABŞ-ın Avropadakı hərbi qüvvələrinin yenidən baxılması planını hazırlayır. Planın noyabrın 6-dək hazır olması gözlənilir və nəticədə kontingentin təxminən üçdə biri və ya daha çoxu Avropadan çıxarılacaq.