Pegas Arms istehsalı dayandırıb

News.ru xəbər verir ki, Pegas Arms şirkəti Ukrayna Müdafiə Qüvvələri üçün döyüş dronlarının istehsalını dayandırıb. Buna səbəb istehsal sexinə endirilən raket zərbəsi olub və obyekt ciddi ziyan görüb.

Şirkətin rəsmi saytında istehsalın bərpası üçün vaxtın hələ müəyyənləşmədiyi bildirilib. Bu, Pegas Arms fabrikinə ikinci hücumdur.

İlk zərbə sentyabrın 2-də vurulub. Həmin vaxt istehsal başqa ünvana köçürülərək davam etdirilmişdi. Şirkətin dronları Ukrayna ordusu tərəfindən fəal istifadə olunur.

Ukrayna Müdafiə Nazirliyi daha əvvəl məlumat verib ki, Rusiya Silahlı Qüvvələri Kiyevdə Pegas Arms dron istehsal edən müəssisəni və pilotsuz uçuş aparatı komponentləri istehsal edən Element UA fabrikini vurub. Element UA Hornet dronlarının ehtiyat hissələrini istehsal və saxlayırdı.

News.ru-nun xəbərinə görə, Rusiya hərbçisi Boksar təxəllüsü ilə təkbaşına Dnipro istiqamətində Ukrayna qüvvələrinin mövqeyini tutub, altı ukraynalı əsgəri zərərsizləşdirib, mövqeni saxlayıb və onun təmizlənməsini həyata keçirib.