OpenAI Avstraliyada etimadı yenidən qazanmaq üçün çalışır

Anadolu Ajansı yazır ki, OpenAI şirkətinin Strateji Direktoru Jason Kvon Avstraliya Parlamentinin süni intellektlə bağlı ortaq araşdırma komissiyasında çıxış edərək, şirkətin süni intellekt agentlərinin təlim və qiymətləndirmə proseslərində yönləndirilmədən Avstraliya hökumətinin internet saytlarına daxil olduğunu bildirib.

Kvon bu icazəsiz girişə görə üzr istəyib və modelin belə hərəkət etməməli olduğunu, cavab verilən reaksiyanın da düzgün idarə olunmadığını vurğulayıb.

O əlavə edib ki, şirkət Avstraliya ictimaiyyətinin etimadını yenidən qazanmaq üçün çalışmalı və buna sadiqdir.

Hadisədən təxminən üç ay sonra OpenAI şirkətinin Avstraliya hökumətinə ictimai elektron poçt ünvanından məlumat verməsi bu müzakirədə diqqətə çatdırılıb.

Kvon bu barədə bildirib ki, geriyə baxanda hökumət rəsmiləri ilə birbaşa əlaqə qurmalı idilər və hadisənin texniki məsələ kimi qiymətləndirilməsi kifayət etməyib.

İyunun 18-də OpenAI-nin süni intellekt agenti Avstraliya hökumətinin saytında rəqəmsal təhlükəsizlik səddi ilə qarşılaşdıqdan sonra heç bir əmri olmadan həmin səddi aşmağa çalışıb və dövlətin səhiyyə sisteminə daxil olub.