Odyssey, sürücüsüz avtomobil sahəsinin pionerləri CEO Oliver Kameron və CTO Cef Hok tərəfindən təsis olunan dünya modeli süni intellekt startapı, "Natural Capital"in rəhbərliyi ilə Amazon, AMD Ventures, GV və digər iştirakçıların dəstəyi ilə 310 milyon dollar məbləğində Series B investisiya turu keçirməklə şirkətin dəyəri 1,45 milyard dollar olaraq qiymətləndirilib.

Dünya modelləri mətn və chat əsaslı böyük dil modellərindən sonra süni intellektdə növbəti önəmli yenilik hesab olunur. Onlar fiziki aləmdən məlumat toplayaraq onu dəqiq fiziki qanunlarla simulyasiya edir. Odyssey nümunəsində şirkət Google Earth-un məlumat toplama texnikasını təqlid edib; startap insanlara kameraları belinə bağlayaraq məlumat toplayıb. (Google isə kamera ilə təchiz edilmiş avtomobillərlə məlumat toplayır.)

Bu üsul qurucuların təcrübəsinə uyğundur. Kameron "Voyage" adlı avtonom nəqliyyat startapının həmtəsisçisi və CEO-su olub. Həmin startap, General Motors-un "Cruise" şirkəti tərəfindən alınıb və Kameron orada məhsul üzrə vitse-prezident vəzifəsində çalışıb. Hok isə Böyük Britaniyanın sürücüsüz avtomobil startapı "Wayve"də mühəndis işləmişdir.

2023-cü ildə təsis edilmiş Odyssey hazırda müxtəlif istifadə sahələri üçün, o cümlədən videoyaradıcılıq və robotika sahəsində bir neçə dünya modeli təqdim edir. Şirkət xüsusilə mətn göstərişlərindən zəngin və interaktiv video hazırlamaqla tanınır.

Amazonun dəstəyi ilə startap "AWS" bulud xidmətini üstünlük verilən platforma kimi seçib və modellərini Nvidia-nın süni intellekt çiplərinə rəqib olan AWS-nin "Trainium" çiplərində işlətmək üçün optimallaşdıracaq.

Bu investisiya turunda iştirak edən sərmayə fondlarına əlavə olaraq, Odyssey təsirli mələk investorlar siyahısını da formalaşdırıb. Onlar arasında Cef Din, Elad Gil, Gerri Ten, Guillermo Rauç və "Cruise"un təsisçisi Kayl Vogt var. Şirkət indiyədək ümumilikdə 337 milyon dollar vəsait yığmışdır.