Odessada avtomobil sürücüsü yol qəzasında öldürülüb

Ukrainskaya Pravda yazır ki, Odessanın Lüstdorf yolu küçəsində avtomobil yolunda kişi odlu silah yarası ilə tapılıb.

Polis əməkdaşları yolda patrul xidməti zamanı Chevrolet markalı avtomobilin yanında kişi meyiti ilə rastlaşıb. Onun həmin avtomobilin sürücüsü olduğu güman edilir.

Hadisə yerində ZAZ "Tavriya" markalı avtomobilin sürücüsü saxlanılıb. O, hadisə yerindən qaçmağa cəhd göstərmişdi. Hazırda onunla bağlı təcili istintaq tədbirləri aparılır.

"Dumskaya" nəşrinin məlumatına görə, odlu silahın açılmasından əvvəl piyadalar üçün keçid hissəsində sürücülər arasında münaqişə yaranıb.

"Tavriya" sürücüsü digər sürücüyə odlu silahdan atəş açaraq onu öldürüb.

Polis hadisə yerində cinayət istintaq qrupu və kriminal laboratoriya ilə birgə işləyir. Hüquq-mühafizə orqanları cinayətin bütün təfərrüatlarını araşdırır və istintaqın başlanması barədə qərar verir.