Nikolay Gnatovski Avropa Məhkəməsində sədr seçildi

Ukrainskaya Pravda yazır ki, Avropa İnsan Hüquqları Məhkəməsinin ukraynalı hakimi Nikolay Gnatovski bu qurumda bölmənin sədri seçilib.

O, Belçikalı Frederik Krenslə birlikdə 1 noyabrdan vəzifəsinin icrasına başlayacaq.

Nikolay Gnatovski Avropada insan hüquqlarının müdafiəsi sahəsində tanınan beynəlxalq hüquqşünasdır. O, uzun müddət Avropa Şurası ilə əməkdaşlıq edib və Avropa İşgəncənin Qarşısının Alınması Komitəsinin üç dəfə sədri seçilib.

2022-ci ilin iyunundan Gnatovski Ukrayna və Rusiya arasında olan şikayətlərin dinlənilməsində məhkəmə prosesində iştirak edir.

Rusiyanın Ukraynaya qarşı başlatdığı müharibə zamanı o, Putini və komandasını hərbi təcavüzə görə məsuliyyətə cəlb etmək üçün xüsusi tribunalın yaradılmasını təşviq edib, lakin hakimin vəzifəsinə təyin olunduqdan sonra bu istiqamətdən çəkilməli olub.