"Nike"nin retro Air Force 1 basketbol ayaqqabısı idman geyimləri şirkətinin ən məşhur modellərindən biridir. Son 40 ildən çox müddətdə bu modeldə çoxsaylı yenilənmələr aparılıb. Cümə axşamı keçirilən Paris Kişi Moda Həftəsində isə modelin ən radikal yenilənmələrindən biri təqdim edildi.

"Nike"nin 2027-ci ilin yaz mövsümünə hazırladığı digər idman ayaqqabıları ilə birlikdə nümayiş olunan Air Force 1-də kəsikliyi kvadrat burun dizaynı diqqəti çəkdi. Yenilənmiş model daha cəlbedici və incə görünüşə malikdir. Ayaqqabının burun nahiyəsində olan kvadrat kənarlar başlıca dəyişikliklərdən biridir. Modellər müxtəlif rəng və materiallarda təqdim olunub.

Parisdə nümayiş olunanlar arasında Air Force 1-nin ənənəvi ağ rəngli versiyası, rəngarəng ağ dəri və qara-kırmızı qarışığı olan digər versiyalar da var. Süet materiallarında isə kovboy çəkmələrini xatırladan bəzəklər mövcuddur.

Air Force 1 azarkeşləri yenilənməyə qarışıq fikir bildirirlər. Eyni zamanda, Nike nostalji sevənlərə yönəlik "Air Force 1 ’01" adlı yenilənmiş və 2001-ci ilin versiyasına bənzəyən modelini də təqdim edib. 2025-ci ildə "Nike" 30 illiyini qeyd edən Air Max 95 modelində oxşar bir kampaniya aparmışdı.

Həmçinin, Parisdə Air Max 90 modelinin kvadrat burunlu versiyası da təqdim olunub. Bu model volt yaşıl rəngdədir.

"Nike" Air Force 1 Square Toe modellərinin 2027-ci ilin yazında satışa çıxarılması planlaşdırılır. Satış qiymətləri hələ açıqlanmayıb.